रविवार, ४ जून, २०१७

भलती उपाधी



मागितल्याविन
सोनियाचे कण
दिधले आणून
जीवनाने ||

परी करवेना
तयाचे ते लेणे
देहा सजवणे
कैसे मग ||

कैसे सांभाळले
कुठे ते ठेवावे
कुणास वा द्यावे
समजेना ||

भलती उपाधी
घेतली लावून
सुख सांभाळून
मीच देवा ||

आता होई चोर
तूच दिगंबरा
करी रे सोहळा
लुटण्याचा ||

विक्रांत भिकारी
मग तुझ्या दारी
सुखाने चाकरी
करीन रे ||

डॉ.विक्रांत प्रभाकर तिकोणे


कोणत्याही टिप्पण्‍या नाहीत:

टिप्पणी पोस्ट करा

बाबा

प्रिय बाबासाहेब  *********** कृतज्ञतेच्या किनाऱ्यावर येवुन  तुम्हाला करतो आहे मी अभिवादन  कुठलाही रंग कुठलाही झेंडा  हातात घेतल्...