पांथिकाचिया येरझारा | सवें पंथु न वचे धनुर्धरा |
कां नाहीं जेवीं तरुवरा | येणें जाणें ॥ ४९० ॥
कां नाहीं जेवीं तरुवरा | येणें जाणें ॥ ४९० ॥
चालतो पथिक परी नच
पथ
वाट पावुलात वचेचिना
||
दिसतात वृक्ष
चालले मागुती
परी त्या गती
नाही जैसी ||
तैसा देवा ठेव
मजला तटस्थ
येवोत जावोत सुख
दु:खे ||
स्थैर्याची सखोल
मुळे खोलवर
जावून जिव्हार
स्तब्ध व्हावे ||
ज्ञानदेवी माय आन
न मागणे
शब्दांचे जगणे
तुझ्या व्हावे ||
डॉ.विक्रांत प्रभाकर तिकोणे
कोणत्याही टिप्पण्‍या नाहीत:
टिप्पणी पोस्ट करा