निरुद्देश चाललेला
पोटासाठी बांधलेला
खुंट्यास कुण्या ||
जीव कळत नाही साला
कुठे कुठे सांडलेला
कुणासाठी थांबलेला
वेड्यागत खुळा ||
जगायचं कशाला
प्रश्न खाज सुटला
साल सोलटून गेला
अनुत्तरीत ||
भोगातल्या क्षणांचा
हा डंख अतृप्तीचा
किती जन्म वाहायचा
नामर्दपणे ||
जगणाऱ्यांनो जगा रे
खिसे पोट भरा रे
एक दिशी मरा रे
तोंड वासून ||
चाललो खांदी घेवून
अवघा जाणून सोडून
पसारा मी ||
विक्रांत प्रभाकर तिकोणे
http://kavitesathikavita.blogspot.in/
कोणत्याही टिप्पण्‍या नाहीत:
टिप्पणी पोस्ट करा