लक्ष्यावधी भिंतीत इथल्या
लक्ष कहाण्या जळमटल्या
तरी सांभाळत छता आपुल्या
उनसावली खेळत राहिल्या
धुरामध्ये कधी खंगल्या
प्रकाशात कधी आटल्या
झुंबरात वा कपात फुटक्या
त्याच सावूल्या नाचून गेल्या
नग्न बाहुल्या विस्कटलेल्या
सताड डोळे ओठ फाटल्या
दुकानात त्या सजल्या धजल्या
किंमत त्यांची चार टिकल्या
विक्रांत प्रभाकर
http://kavitesathikavita.blogspot.in/
कोणत्याही टिप्पण्या नाहीत:
टिप्पणी पोस्ट करा