सोमवार, २३ मार्च, २०१५

देहाचे कौतुक





काय या देहाचे
करावे कौतुक  
दावियले सुख
जगतांना ||
कधी भाकरीचे
कधी साखरेचे 
चोचले जिभेचे
पुरविले ||
आणि दिली साथ
सदा संकटात
उभे आजारात
राहियले||
तयावीण कैसे
दिसते हे जग
जीवा रस रंग
कळते ना ||
त्याची माझी जोडी 
जुगाड देवाचा
कळेना तयाचा
काय हेत ||

विक्रांत प्रभाकर
http://kavitesathikavita.blogspot.in/

कोणत्याही टिप्पण्‍या नाहीत:

टिप्पणी पोस्ट करा

माय

माऊली ******* चालव माऊली तुझ्या वाटेवर  जन्म पायावर उभा कर  रांगलो बहुत घेऊनी आधार  इथे आजवर काल्पनिक  भ...