डॉक्टरांनी सांगितले
जगायचे असेल तर
गर्भाशय काढावेच लागेल
प्रचंड रक्तस्त्रावाने
बधीरलेले शरीर
घाबरलेले मन
लगेच तयार झाले
भराभर तपसण्या झाल्या
सोपस्कार पार पडले
अन ऑपरेशन झाले
अन हळू हळू जीवन
रुळावरून धावू लागले
महिना उलटून गेला
ती वेळ येणार नव्हती
माहित होते तरीही
चुकल्या चुकल्या सारखे
वाटू लागले
आयुष्यभर जे
नको नकोसे वाटत होते
इथे तिथे सदा आडवे येत होते
त्यातून सुटका होवूनही
उगाच सुटका झाली
असे वाटत होते
का ?
खरच कळत नव्हते
आणि हजारो वर्षाची मी
स्वत:वर उगाच नाराज होते
विक्रांत प्रभाकर
http://kavitesathikavita.blogspot.in/
कोणत्याही टिप्पण्या नाहीत:
टिप्पणी पोस्ट करा