कसे रामराया

कसे रामराया तुम्हाला पाहावे

गुणांच्या गुढाला कसे आकळावे  || १

कळेना तरी शोधण्या मीच धावे

पडोनी प्रयासी पुन्हा नी झटावे || २

असे का हि क्रीडा कुणाची कळेना

अश्या थोर काजा कुणी का धजेना || ३

कशी भ्रांती कैदाशिणी घोर माया

गुंडाळूनि ठेवे पदासी जगा या  || ४

असे या जगाचे तुम्ही राम स्वामी

तरी का भिकारी तुझे भक्त आम्ही ||५

अहो धाव घाला जना वाचवावे

तुची सांग आम्ही कुणा बोलवावे || ६

पडो देह आता तुला शोधतांना

असे लांछना भोग ते भोगतांना ||७

विक्रांत प्रभाकर

http://kavitesathikavita.blogspot.in/