माझी करुणा

माझी करुणा

तुज नारायणा

सारया वासना

तुझ्याच चरणी ll १ ll



माझी प्रार्थना

तुला नारायणा

तुझ्या प्रेमाविना 

नकोच काही  ll २ ll



माझा माझेपणा

तुला नारायणा

काही का घडेना

तुझीच कृपा ll ३ ll



विक्रांत तिकोणे

माझी धावपळ

माझी धावपळ 
थांबावी सकाळ 
उरो मी केवळ 
साक्षीरुप ll १ ll

नामाचा  कल्लोळ
व्हावा भोवताल 
किल्मिष नि मळ 
जावा दूर ll २ ll

लागावे ध्यान 
स्वरूपी लीन 
यावे  उमलून  
जीवनपुष्प ll ४ ll

विप्राचे मागणे 
सुटावे मागणे 
सारे देणे घेणे 
शून्य व्हावे ll ५ ll

आपत्तीत तुझे

आपत्तीत तुझे न व्हावे स्मरण 

मागतो मागण हेच आता  ll १ll  

मग तू धावून करी सोडवण 

भक्तीस हे न्यून राहू नये ll २ll

सुख वा  दुख : असे येवू देत 

नको करू त्यात फेरफार ll ३ll

दोन्ही या क्षणात तुवा हृदयात 

राहावे निवांत म्हणे विप्र ll ४ll

सत्याच्या पथी

सत्याच्या पथी चालवी  देवा
नच  व्हावी मति  भ्रष्ट केव्हा ll १ll
घडो नियमात माझे आचरण
संग असंगाचा सुटोनी जावा ll २ll
जर चुकूनिया गेलो मी चुकून
शास्त केल्याविन नच सोडावा ll ३ll
कठोर तु दयाळ होऊनिया माय
लेकराचा नाठाळ सांभाळ करावा ll४ll
विप्र म्हणे न अधिक  मागणे
तुझिया चरणी सदा राहू द्यावा ll ५ll

वाचतो गजानन

वाचतो गजानन पाहतो गजानन

ऐकतो गजानन कौतुकाने ll १ll

भेटतो गजानन सांगतो गजानन

समजावे गजानन अध्यात्म ते ll २ ll

संत गजानन योगी गजानन

प्रभू गजानन स्वामी माझा ll  ३ll

परी तो गजानन जाणून मन

देईल आलिंगन का मज प्रेमे ll ४ll

काही न मागण तया प्रेमाविण

अंतरी स्फुरण फक्त हवे ll ५ll

विक्रांत प्रभाकर

तुझे देणे सारेच

तुझे देणे सारेच
मान्य असे मजला ..१..
न मागतो काही
नाकारितो कशाला ..२..
तू दिलेस सुख
मी मानिले तयाला ..३..
तू दिलेस दु:ख
का म्हणावे तयाला ..४..

विक्रांत प्रभाकर

रुपा वाचून तुला

रुपा वाचून तुला

पाहिले मी

शब्दावाचून तुला

ऐकीले मी

माझ्या वाचून तुला

जाणिले मी

कुणा सांगावे काही

नुरले मी

विक्रांत प्रभाकर