ललिता देवी लेबल असलेली पोस्ट दाखवित आहे. सर्व पोस्ट्‍स दर्शवा
ललिता देवी लेबल असलेली पोस्ट दाखवित आहे. सर्व पोस्ट्‍स दर्शवा

बुधवार, १८ नोव्हेंबर, २०२६

ललिता देवी ध्यान


ललिता देवी ध्यान 
***************

उदीत अरुणा सम असे रक्तवर्णकांती
ध्यान तुझे धरी अंबे त्रिनयना भगवती

मुकुट शिरी सोनेरी शोभे रत्न माणिकांनी
तारा नायक चंद्र ही साजे शुभ्र किरणांनी 
 
वदनी आईच्या हास्य मधु दिसते मोहक 
उरोज पुष्टही देती माते सौंदर्य अधिक 

हाती शोभते चषक जे स्वर्ण रत्नजडीत 
मधु भरले तुडुंब आणि अली सभोवत

प्रसन्न वदना सौम्य माता वसो माझे उरी
पदकमले सदैव जिची रत्न घटावरी


🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  
☘☘☘☘ 🕉️ 

ज्ञानरायास आळवणी

ज्ञानरायास आळवणी  **********'***** कधी मजवर करशील कृपा  आळंदीच्या बापा ज्ञानदेवा १ कधी दावशील निजरूप डोळा  तुज कळवळा का न ये...