नरहरी गुज
*********
अवघे चरित्र गुरूंच्या लीलेचे लिहिले सिद्धाने प्रेमची जीवीचे ॥१
स्मरण्या गुरुला नमिण्या गुरूला
मिळाले साधन शरणागताला ॥२
पाहता परी त्या दिसती लहरी
अथांग अफाट भरल्या सागरी ॥३
सोडून तयाला खोल उतरावे
सागर हृदयी तळाशी भिडावे ॥४
मोक्षाची शिंपले सोडून देऊन
भक्तीचे मोती ते घ्यावेत शोधून ॥५
मग तो अवघ्या गुणाचा सागर
करितो कल्याण भक्ताचे साचार ॥६
नरहरी गुज विक्रांता कळले
तया पदी दृढ चित्त हे धरले ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘
