गुरूदक्षिणा
******
मागितले दान
मज गुरुदेवे
दोष सारे द्यावे
सकळ ते ॥
भूत भविष्याला
टाक रे झोळीत
वर्तमानी स्थित
मग रहा ॥
भूतकाळातून
भविष्यात जाई
सदा चित्त पाही
ऐसे असे ॥
जैसा की लंबक
हालतो डोलतो
वृत्तीचा तोच तो
स्वभाव रे
सदा ध्यानी ठेव
तूच तुझे चैतन्य
मागणे न अन्य
मग पडे
विक्रांत वाहीला
श्री गुरू पदाला
मी पण सुटला
कष्टविना .
डॉ.विक्रांत प्रभाकर तिकोणे
https://kavitesathikavita.blogspot.com
कोणत्याही टिप्पण्या नाहीत:
टिप्पणी पोस्ट करा