मंगळवार, २३ जून, २०२०

दत्तराज

दत्तराज 
*****
दत्त माझा राजा 
बसे गिरनारी 
ठेवुनिया दृष्टी 
सार्‍या  भक्तावरी 

कर न कुणास
सदा करी दान 
मागे तो ते सारे 
जातसे घेऊन 

तया नको धन 
स्वर्ण सिंहासन 
जिंकायला मन 
सांगे आवर्जून 

करतो न दंड 
चूकलिया भक्ता
येऊनिया दावी 
सन्मार्गाचा रस्ता 

अहो ती माऊली 
राजवस्त्रे ल्याली 
विरक्तीत न्हाली 
कृपेची सावली 

सदैव पाठीशी 
भक्तांचा रक्षक 
दुर्जना शासक
करतो नाटक 

त्याची सजा पावे 
तोही भाग्य लाहे
भेटते जन्माचे 
पुण्य लवलाहे 

विक्रांत तयाच्या 
प्रजेचा पाईक 
गातो ते ऐकती
प्रेमे सकळीक
*****
https://kavitesathikavita.blogspot.com
+

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...