रविवार, २१ जून, २०२०

मनीचे वस्त्र

मनीचे वस्त्र
**********

माझिया मनीचे 
वस्त्र हे घडीचे 
तुझिया पदाचे 
स्वप्न पाहे ॥

किती सांभाळावे 
किती रे जपावे 
डाग न पडावे 
म्हणूनिया ॥

मोडली न घडी 
परी डागाळले 
मोहाचे पडले 
ठसे काही ॥

कुठल्या हवेचे 
कुठल्या वाऱ्याचे 
गंध आसक्तीचे 
चिकटले ॥

कुठल्या ओठांचे 
कुठल्या डोळ्यांचे 
पालव स्वप्नांचे 
फडाडले ॥

बहु दत्तात्रेया 
समय तुम्हाला 
आम्हा जोडलेला 
काळ थोडा ॥

पाहुनिया वाट 
जाहलो विरळ 
फाटे घडीवर 
आपोआप ॥

या हो क्षणभर 
स्पर्शा हळुवार 
विक्रांत जुनेर 
धन्य करा॥


*****
https://kavitesathikavita.blogspot.com
+++
येथे
लेबल: , ,

कोणत्याही टिप्पण्‍या नाहीत:

टिप्पणी पोस्ट करा

याची सदस्यत्व घ्या: टिप्पणी पोस्ट करा (Atom)

मिच्छामी दुक्कडम ( जरा अवेळी )

मिच्छामी दुक्कडम (जरा अवेळी ) ****** वळवले दाम ठोठावले काम  मिटे आश्वासन कुठे वर्धमान ॥ तुझाच भरोसा आता तीर्थंकरा उणीव न यावी तु...

  • मुखवटा
    मुखवटा ******** चेहरा म्हटले की मुखवटा आलाच किंवा चेहरा हेच मुखवट्याचे दुसरे नाव आहे आता कुठला मुखवटा चांगला कुठला वाईट ...
  • तुझे डोळे
    तुझे डोळे ***** तुझे डोळे चांदण्यांचे बावरल्या हरीणीचे दूर कुठे अडकल्या गायीच्या गं दावणीचे . तुझे डोळे नवाईचे घनदाट...
  • क्षणातला दत्त
    क्षणातला दत्त मनी विसावला आणि स्थिरावला जन्म मृत्यू सगुणाची मोट निर्गुणी बुडाली जयाची कळली त्यालाचीच छाया प्रकाशाचा असे जग ख...
  • कविते बद्दल
    आम्हा वाटते आम्ही लिहितो   शब्द काव्य महा न प्रसवतो   खरच सांगतो मित्रा तुजला   लिह्णारे ते आम्ही नसतो   ही तो कृपा सरस्...
  • तोच तो ब्राह्मण
    तोच तो ब्राह्मण ************ ब्रह्म जाणतो जो तोच तो ब्राह्मण बाकी तुम्ही आम्ही सारे ते समान ॥ आम्हाला बुद्ध ही गमतो ब्राह्मण आ...
  • पालखी
    पालखी ******* थरारे कळस  कळ हृदयास  देवा तुझा ध्यास  अंतरात ॥१ सरेना विरह मिटेना काहुर डोळियात पूर आसवांचा॥२ धावते पालखी  वेडेपि...
  • इनकाऊंटरची बॉडी पाहून ..
    एक गोळी सुटते एक जीवन संपते एक विश्व हरवते मेंदूच्या पोकळीत लुकलुकणाऱ्या हजारो आठवणी स्मृतीचे पुंज विझून जातात...
  • संत गजानन महाराज
     संत गजानन  महाराज ******************* नाही बंकटाची दृष्टी हरी पाटलांची भक्ती बाबा गजानना तरी ठेवा दासावरी प्रीती नाही भाऊंचे ते...
  • उपाधी...
    कैसा अधिकार  कसलीही सत्ता | देवा तुझ्या हाता  दोर माझी || चुकुनिया आला  हातात अंकुश | नको नको त्यास  ठेवू हाती   ...
  • स्वप्न सारे मिटलेले
    घरदार सुटलेले स्वप्न सारे मिटलेले पण मन सुखामागे हावरट   लागलेले कुणासाठी कधीतरी...