रविवार, २१ जून, २०२०

मनीचे वस्त्र

मनीचे वस्त्र
**********

माझिया मनीचे 
वस्त्र हे घडीचे 
तुझिया पदाचे 
स्वप्न पाहे ॥

किती सांभाळावे 
किती रे जपावे 
डाग न पडावे 
म्हणूनिया ॥

मोडली न घडी 
परी डागाळले 
मोहाचे पडले 
ठसे काही ॥

कुठल्या हवेचे 
कुठल्या वाऱ्याचे 
गंध आसक्तीचे 
चिकटले ॥

कुठल्या ओठांचे 
कुठल्या डोळ्यांचे 
पालव स्वप्नांचे 
फडाडले ॥

बहु दत्तात्रेया 
समय तुम्हाला 
आम्हा जोडलेला 
काळ थोडा ॥

पाहुनिया वाट 
जाहलो विरळ 
फाटे घडीवर 
आपोआप ॥

या हो क्षणभर 
स्पर्शा हळुवार 
विक्रांत जुनेर 
धन्य करा॥


*****
https://kavitesathikavita.blogspot.com
+++

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...