स्वामी च गुराखी
*************
घेतल्या वाचून
देसी दोन्ही हाती
चालविसी वृती
स्वामी राया ॥
कुठल्या जन्माचे
असावे हे फळ
स्वामी देई बळ
जगण्यास ॥
फार काही मज
घडली न सेवा
संकटात धावा
फक्त केला ॥
भजन पुजन
किर्तन नर्तन
घडले कधी न
यज्ञ याग ॥
एक स्वामी भक्त
दिधलास दोस्त
रुजविले आत
प्रिती बीज ॥
घडविली यात्रा
कधी प्रेम बळे
धरुनिया नेले
तुच सवे ॥
स्वामीच गुराखी
माझा तो असून
रक्षितो दुरून
मज सदा ॥
एवढे विक्रांता
आले ते कळून
म्हणुनिया लीन
पायी सदा ॥
********
© डॉ.विक्रांत प्रभाकर तिकोणे
कोणत्याही टिप्पण्‍या नाहीत:
टिप्पणी पोस्ट करा