वर्तुळ
******
झन झन झन
करे कणकण
तरीही अंतरी
व्याकूळ स्पंदन॥
जावू पाहे तन
धुपा्रती होऊन
झरते जीवन
अन डोळ्यातून ॥
कशाला श्वासाचे
अडती बंधारे
प्राण जाऊ पाहे
कुठल्या त्या द्वारे ॥
येते जागेवरी
वर्तुळ फिरून
अन केंद्रबिंदू
त्रिज्येला धरून ॥
जातच आहे रे
पाणी नदीतून
कसे कळावे ते
गेलेले वाहून ॥
विक्रांत वादळी
पाचोळ्याची खेळी
आली काय गेली
कोणाला पडली ॥
।
डॉक्टर विक्रांत प्रभाकर तिकोणे
https://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा