गुरुशिखरी

 

गुरुशिखरी

*******

मी तो दत्ताचा छावा

आलो दत्ताचिया गावा ॥

गिरी चढलो थोरला

उरी भेटलो पावुला ॥

वाट काढत पाण्यात

कधी मुग्ध चांदण्यात ॥

कधी मेघी हरवून

कधी उन्हात तावून ॥

दत्त येत होता सवे

दत्त नेत होता सवे ॥

ध्यास लागलेला मना

बळ कुठले या तना॥

दत्त कृपाळूवा झाला

केले जवळ बाळाला ॥

विक्रांत भरून पावला

धन्य स्पर्शून शिखरा ॥

 

© डॉ.विक्रांत प्रभाकर तिकोणे
 http://kavitesathikavita.blogspot.in