श्री कानिफनाथ
***********
माझा कानिफा कानिफा
जन्म कुंजर कुहिरा
असे मढीला निवास
भक्त रक्षक सोयरा
बाप जालिंदर गुरु
त्याची कीर्ती किती थोरू
लावी क्षणात भक्ताला
जन्म-मरणाच्या पारू
शिष्य अपार मेळावा
लाख-लाख झाले गोळा
त्यांस घेतले ह्रदया
काय वानू त्या कृपाळा
थोर नाथांची ती कथा
बळे जिंके हनुमंता
गुरु मुर्ती प्रकटुनि
रक्षी राजा गोपीचंदा
सखा गोरक्षाचा झाला
नाथपंथ वाढवला
शिष्य भित्री नि अस्थिर
प्रेमे धडा शिकविला
नाथ जागृत मढीला
उर्जा पर्वत जाहला
दीन गांजल्या जनाला
असे आधार जिव्हाळा
कोणत्याही टिप्पण्या नाहीत:
टिप्पणी पोस्ट करा