।। दत्त तारीतो ।।
**********
दत्त वारीतो दु:खाला
दत्त आणितो सुखाला
दत्त अंतरी भरला
सदा तारीतो मजला ||
.
दत्त आवरे मनाला
दत्त सावरे तनाला
रोगराईच्या संकटी
नाम देई रे दव्याला ||
करी शितल प्रारब्ध
भोग आलेले देहाला
करी कवच भोवती
दूर सारतो काळाला ||
.
दत्त सगुण-निर्गुण
माझ्या देही विसावला
दत्त आभाळ भवती
जग तयाचा झोपाळा ||
.
दत्त वागवितो देह
दत्त चालवितो जग
मला कसली फिकीर
दत्त करूणेचा मेघ ||
बाप दत्तात्रेय माझा
रुपी समर्थ नटला
मज बोलावून आत
दारी रक्षक ठेवला ||
.
डॉ. विक्रांत प्रभाकर तिकोने
https://kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा