कवितेसाठी कविता: नर्मदा मैयास

गुरुवार, १७ ऑगस्ट, २०१७

**********

तुज प्रेमे भेटायचे

तुझ्या तीरी जगायचे

आई तुझ्या करुणेचे

रंग मला पाहायचे

काही माझ्या अस्तित्वाचे

प्रश्न तुला पुसायचे

जन्म पणास लावुनी

उत्तर ते शोधायचे

हटी तटी बसलेले

योगी मुनी पहायचे

झोळीतील सुख त्यांच्या

आहे मला लुटायचे

पुण्यप्रद माती तव

ललाटी या लावायची

होवूनिया सदा तुझा

कुडी तुला वाहायची

ओढ तुझिया कुशीची

गूढ गहिऱ्या पाण्याची

हट्ट पुरा कर माई

आस या विक्रांतची

डॉ .विक्रांत प्रभाकर तिकोणे

कवितेसाठी कविता