अनंत हातांनी
अनंत रूपांनी
दिलेय मजला श्रीगुरुरायानी
||१||
माझ्या याचनेचा
माझ्या यातनेचा
अंत सहजच टाकला
करुनी ||२||
कधी पदतळी
काटे ही टोचली
परी थकता मी नेले
उचलुनी ||३||
पाहणे रूपाला
हट्ट मी धरला
घटोघटी होता परि
तो लपुनी ||४||
कळलेच नाही
तेधवा जे काही
जाणवे अवघे पाहता
वळूनी ||५||
साऱ्या कामनांचा
स्वामी तो सुखाचा
सदा परी मज गेला ठकवूनी ||६||
आता न मागतो
त्यालाच वाहतो
तन मन प्राण सारे ओवाळूनी ||७||
गिरनार राया
गुरुराय माया
पाहतो विक्रांत शरण जावूनी ||८||
डॉ.विक्रांत प्रभाकर तिकोणे
कोणत्याही टिप्पण्‍या नाहीत:
टिप्पणी पोस्ट करा