रविवार, ८ मे, २०१६

स्वप्न पेटले






स्वप्न उदास उधार

भर रानात पेटले

कसे किती करू गोळा

प्राण देहास विटले



देव नभात असावा   

जणू अभ्राचा पसारा

पुण्य गंजले साचून

होय डोळ्यात निचरा



दहा दिशांनी गिळली

आस उरातली ओली

साद घालावी कुणाला

चहू बाजूला पोकळी



अश्या भयाण राती

घरी अंकुर फुटला

ओठ लाल ओलसर

जीव ओझ्याने वाकला



डॉ विक्रांत प्रभाकर तिकोणे



कोणत्याही टिप्पण्‍या नाहीत:

टिप्पणी पोस्ट करा

सुखाचे कोडींग

सुखाचे कोडींग *************** त्याच त्या सुखाच्या दीर्घ वर्तुळात  धावत असे जग दुःखांना टाळत. त्याच पुन्हा देवतांना नमन करत  तेच ...