कवितेसाठी कविता: भांडी घासा धुणे धुवा

रविवार, २७ एप्रिल, २०१४

झाडू काढा लादी पुसा

रांधा वाढा उष्टी काढा

सोडू नका थोर वसा

दिनरात तेच तेच

आयुष्याचा होतो वेच

कुठलीच शुद्ध नाही

घरदार सुख हेच

कधीतरी स्वत:साठी

जगायला धीर नाही

पिंजऱ्याचे सुख पक्ष्या

पंख आठवत नाही

आभाळाची भीती मोठी

असे खरी असे खोटी

मनातल्या सावल्यात

शिकाऱ्यांची असे दाटी

विक्रांत प्रभाकर
http://kavitesathikavita.blogspot.in/

कवितेसाठी कविता