निष्पाप कळ्या अकाली
पडती जेव्हा गळुनी
या न त्या कारणांनी
जातो मोहर झडुनी
काय म्हणावे असल्या
या शापित प्राक्तनाला
लागे ना अर्थ इथला
मज कश्याचा कशाला
असे जन्म काय सारा
अपघात मालिका हि ?
नच माझ्या हाती काही
वा न तुझ्या हाती काही
मरणात थांबलेले
प्रश्न अधांतरी सारे
मज नकोच कुणाची
उगा छापील उत्तरे
विक्रांत प्रभाकर
http://kavitesathikavita.blogspot.in/
कोणत्याही टिप्पण्या नाहीत:
टिप्पणी पोस्ट करा