तोंडास जयांच्या घट्ट
लागली आहे मलई
म्हणती ठामपणे ते
दूध प्यायलोच नाही
अहो नक्कीच काम हे
कुण्या दुष्मनाचे आहे
आणुनी हे रंग त्यांनी
मज रंगविले आहे
होतो तेधवा तिथे मी
हा तो योगायोग आहे
बिलात भैयाच्या सांगा
काय माझे नाव आहे ?
किती सांगू पुनपुन्हा
हा माझा नाही प्रताप
फुटती उगाच हात
खुर्चीस असे हा शाप
विक्रांत प्रभाकर
http://vikrantchishodhyatra.blogspot.in/
कोणत्याही टिप्पण्या नाहीत:
टिप्पणी पोस्ट करा