तुझे येणे जाणे

तुझे येणे जाणे

असते जीवघेणे

जसे हाती नसते

फुलांचे फुलणे ..१

विसरलेली पुन्हा

कविता आठवणे

सावरलेले मन

होणे वेडे दिवाणे ..२

उपचार जरी ते

तुझे मोहक हसणे

घडे माझे त्यावर

पुन्हा वितळून जाणे ..३

असे सहज जरी

तुझे पाहणे बोलणे

पण माझे उगाच

नादान खुळखुळणे ..४

नको नको म्हणून

पुन्हा हवे असणे

हवे हवे असून

जीव घोर लावणे ..५

तुझे येणे जाणे ...

विक्रांत प्रभाकर

http://kavitesathikavita.blogspot.in/