ॐकाराचा
हुंकार l प्रगटला साचार l
होऊनि
देहाकार l देव गजानन ll १ ll
भावातीत
ईश्वर l तया फुटे पाझर l
प्रेमलोट
अपार l द्वैत सुखाचा ll २ ll
अरुपाचा
अनघट l पडदा सारत l
झाले
घनीभूत l कैवल्यरूप ll ३ ll
आनंदाचा
कल्लोळ l सूर शब्द ताल l
अनाहताचा
बोल l झाला प्रगट ll ४ ll
रूप
साजिरे घेवूनी l आले गुणातीत गुणी l
रक्त वर्णात सजुनी l पर्ण पिंपळावरी ll ५ ll
विक्रांत प्रभाकर
http://kavitesathikavita.blogspot.in/
कोणत्याही टिप्पण्या नाहीत:
टिप्पणी पोस्ट करा