निसर्गकविता .चंद्र लेबल असलेली पोस्ट दाखवित आहे. सर्व पोस्ट्‍स दर्शवा
निसर्गकविता .चंद्र लेबल असलेली पोस्ट दाखवित आहे. सर्व पोस्ट्‍स दर्शवा

मंगळवार, २१ डिसेंबर, २०२१

पौर्णिमा


पौर्णिमा
*******
जेव्हा चंद्र येतो हळू  
सारत घन पटल 
संगमरवरी शिल्प 
साकार होते समोर ॥

मुग्ध नितळता जाते 
आत खोल झिरपत
चंद्रोदय एक नवा 
मनात माझ्या करत ॥

दोन कृष्ण मेघ माझ्या 
गहिवरल्या डोळ्यात 
जाती भारावून असे
कडा चिंब भिजवत ॥

आकाश व्यापून गंध 
रात राणी उधळत 
स्वप्न सीमेवर भान 
जाते कुठे तरंगत ॥

अशी पौर्णिमा येते जी 
फक्त माझीच असते 
हरखतो जीव खुळा 
स्वप्न सुखाला पडते ॥

🌾🌾🌾

© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘

न्याय

न्याय ****** तीच न्याय संस्था फाशी सुनावते  तीच न्याय संस्था निर्दोषही ठरवते  व्यक्ती तीच असते  आरोपही तेच असतात  सुनावनी तशीच ह...