कृपा सिंधू
*******
काय मी कुठला दिसेल का तुला जीव हा क्षीणला दत्तात्रेया
रोगी भोगी सदा वृती अडकला
चित्ती हरवला मोहामध्ये
किती पुण्य राशी केल्यासी पावन
हृदयी देऊन स्थान त्यांना
किती हीनदीन करुणा करून
घेतले ठेवून चरणाशी
थोडा मजसाठी होई गा उदार
करी भव पार अज्ञाचा या
विक्रांत मनीचे पुरव गा आर्त
स्वामी तू समर्थ कृपा सिंधू
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा