प्राजक्त
*******
ओघळे प्राजक्त मुक्त निरासक्त गंध उधळत आकाशात
इवल्या फुलाचे इवले जीवन
साफल्य भरून काठोकाठ
कुणी देवदारी कुणी अडगळी
जीवनाची वारी दिवसाची
तिथे धावे काळ हजारो पटीत
स्थिर हे जगत कदाचित
गूढ काळ वेळ मिती संकल्पना
सुगंध जीवना ओतप्रोत
कुण्या जीवनाचे काय परिमाण
सारे क्षणक्षण जोडलेले
विक्रांत बहर तीस लाख कोटी
देहात नांदती प्राजक्ताचे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा