नच सोडी
*********
लिहितो कवणे बळेच रेटून भाव भक्तीविन दत्ता जरी ॥१
जगी मिरवतो ज्ञान पाजळतो
असून रिक्त तो आत जरी ॥२
जळतो कामने क्रोधाने भरतो
गुणी म्हणवतो जगात या ॥३
वैराग्याची बहु गातसे महती
विकार दिसती लाख उरी॥४
नकोस देऊस असली भक्ती
त्याहून बरी ती माया तुझी ॥५
दत्ता त्याग तू भले विक्रांतला
हा श्वान धन्याला नच सोडी॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा