अन्न
*****
अन्न वासनांचे असते रे मूळ जैसे ज्याचे बळ धाव तैसी ॥१
सांगे भगवंत तया गीतेमाझी
पाहिली तैसीची वृत्ती जगी ॥२
व्यापिले मनाला राजस तमाने
घेता आवडीने तैसे अन्न ॥३
सात्वीके प्रदीर्घे मन झाले शांत
जैसे पाणी संथ जलाशयी ॥४
पाहिले मनाने घडणे पडणे
घडू दे जगणे आकलनी ॥५
विक्रांता जिभेला जितने कठीण
जगणे त्रिगुण म्हणुनिया ॥६
परी दत्तात्रेय करीतसे खेळ
आणीतसे वेळ योग्य तैसी ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा