मुंगी देव
******
मार्ग ठरलेला चालायचा ॥
शोधता शोधता वारूळ शिखरी
मुंगी पोहोचली एकटीच ॥
क्षितिजा पर्यंत दिसली वारूळं
चाललेला खेळ दाण्यासाठी ॥
जरी ना दिसला मुंगी देव तिला
प्रश्न न सुटला अस्तित्वाचा ॥
मुंगीपण तिचे तिला पुरे झाले
स्वीकारी फुटले पंख दोन ॥
मग ती उडाली कुणा न दिसली
विरूनिया गेली आकाशात ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा