नाटक
****
सरले नाटक पट पडला
मुखावरचा रंग पुसला
जाय आता तू तुझिया घरी
मौज मजा ही सरली सारी
थोडे उथळ होते भडक
त्याने काय तो पडतो फरक
तीनच तास काहीच मास
म्हटला तर साराच भास
थोडा उन्माद उत्तेजना ही
घडले मग रडणे काही
दोषारोपही होवून गेले
पदरी कुण्या काही पडले
आता उद्याला नवा खेळ नि
सवंगडीही नवीन कुणी
नवे असे रे काय ते त्यात
खेळ चालतो रोज पिटात
डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा