रुजणे
पाण्यावाचून कसे रे
इथे घडेल रुजणे
ओठ फुटल्या पात्रात
माती सांगते गार्हाणे
एका व्याकूळ थेंबास
जन्म मागतो जगणे
वृक्ष भिडला कातळी
दार मिटलेले जुने
येरे येरे म्हणतांना
कंठ कासाविस होतो
दूर कुठे सागरात
थेंब खुशाल पडतो
कारे अडती प्रार्थना
तप्त दडल्या मातीत
स्वप्न उद्याची हिरवी
गुदमरती मनात
डॉ.विक्रांत प्रभाकर तिकोणे
Http://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा