रविवार, १४ जानेवारी, २०१८

आसक्ति





आसक्तीच्या डोही 
बुडू गेले प्राण 
सुखाचे प्रमाण 
अाकळेना .

मोहाची सावली 
हातात येईना 
जीवास कळेना 
लोभ क्षोभ .

तेलासवे वाढे 
वन्हीचा आकार 
जाहला प्रकार 
तैसा काही 

विझूनिया गेला 
दीप हातातला 
अंधारे गिळला 
मार्ग माझा .

ज्ञानाचा प्रकाश 
पाडी ज्ञानदेवा
सत्संगाचा ठेवा
द्यावा मज ।

विक्रांत हिंपुटी
तुझ्या दारावर 
मागे चतकोर 
प्रेम तुझे ।।


डॉ.विक्रांत प्रभाकर तिकोणे


कोणत्याही टिप्पण्‍या नाहीत:

टिप्पणी पोस्ट करा

Reel, रिल

Reel/रिल ********* एका मागे एक रील धावतात  मना धरतात आवळून ॥१ कळण्याआधीच थांबण्याआधीच  नेती ओढतच लागोलाग ॥२ यात गुंतूनिया काही न...