नवे अर्थ
***********
जेव्हा तुझ्या हिरव्या
ओल्या डोळ्यातून
उडतात निळी पाखरे
नाही कसे म्हणू मी
माझ्या जीर्ण मनाला
फुटतात नवे धुमारे
विझलेल्या आगीला
स्पर्शताच वारे
उडाव्यात ठिणग्या
पेटून निखारे
तसे जागे चैतन्य
किर्र काळ्या अंधारात
अन उमटती क्षणात
प्रकाश गोंदले नक्षत्र चेहरे
जाणवते मला मी
जिवंत अजून
जगण्याची उर्मी येई
उरी तरारून
मनातील गाणे येई
आकाश होवून
राहतात पथ
आकांत कोंडले
उलगडे स्वप्न तेच
युगोयुगी पाहिलेले
भरतात जखमा
सल जुने मिटतात
जगण्याला कारण काही
अर्थ नवे भेटतात
डॉ.विक्रांत प्रभाकर तिकोणे
कोणत्याही टिप्पण्या नाहीत:
टिप्पणी पोस्ट करा