करतात घाण

करतात घाण रस्त्यात लोक

थुंकतात घाण जिन्यात लोक

लावूनिया पाट्या जागोजागी

पाटीवरी त्या थुंकतात लोक

कधी गांधीगिरी ती करू जाता

फेकूनि घाण बोलावतात लोक

कुणाची घाण काढू किती मी

मलाच घाण म्हणतात लोक

प्रश्न कळकळीने जरी मांडला

टाळूनि मज हसतात लोक

येता कधी मग शब्दात घाण

पाहुनी ती का चिडतात लोक ?

अशी घाण टाकुनी जागोजागी

मनी घाण का लपवतात लोक ?

विक्रांत प्रभाकर

http://kavitesathikavita.blogspot.in/