कैसा दत्ता तुझा

कैसा दत्ता तुझा l पडला विसरl

जळो व्यवहार l माझा आता ll १ ll

काम धंदा उगा l घेतला बोडखी l

केली मानतुकी l घेण्या देण्या ll २ll

म्हणवितो भक्त l रचितो कवित्व l

परी असे रिक्त l घडा माझा ll ३ ll

गेला किती काळ l तुझ्या विस्मरणी l

लागली टोचणी l माझ्या जीवा ll ४ ll

तुची माय बाप l करावी करुणा l

माझिया स्मरणा l नित्य यावे ll ५ ll

हाती असो हात l पाय चलो साथ l

नाम तुझे गात l रात्रंदिन ll ६ ll

विक्रांत प्रभाकर

http://kavitesathikavita.blogspot.in/