जीवाभावाची मैत्रीण

 जीवाभावाची मैत्रीण
***************
आई  
तू  मैत्रीण माझी 
जीवाभावाची 
माझ्या श्वासात 
भरलेली 
गाणी तुझी 

आई 
तू घडविले 
या गोळ्याला 
जागविलेस
प्रतिभेला
शब्द दिलेस 
माझ्या कवितेला


तुला कळत 
नकळत 
तू होतीस ओतत 
अमृताचे घट 
या ह्र्दयात 

तू दाविलेस ते
जगणे जरी होते साधे 
रांधा वाढा उष्टि काढा 
घर बाजार आणि संसार 
यात अडकले सारे गाडे 

मातीचा सुगंध त्यात 
प्रेमाचा वर्षाव त्यात 
प्रेमाचे संगीत त्यात 
मुल्याचे दर्शन त्यात 
भक्तिचे वरदान त्यात
नितीचे आचरण त्यात 

जाहलो कृतार्थ 
दिप लावलास 
या ह्र्दयात 

तू भरवलेस घास 
दाविला जीवनात
सुपंथ


 

विक्रांत प्रभाकर
http://kavitesathikavita.blogspot.in/