अश्रू (उपक्रमा साठी)
*****
अश्रू मुळी येत नाही
हरवल्या भावना का
काहीच कळत नाही
काय झाले मनाचे या
स्वप्न खोटी वाटतात
दया प्रेम करुणा हे
शब्द फोल भासतात
मरतात बालके ती
युद्धात होरपळूनी
जळतात तरुवेली
आग ती लावुनी कुणी
कत्तलीला राजरोस
धर्म रूप देते कुणी
कलेवर कोवळी ती
घेतात ओरबाडूनी
तरीसुद्धा मनात या
न येते दुःख दाटूनी
चालणार जग असेच
जणू येतसे कळूनी
पेटूनी रक्तात क्रोध
येतसे कधी भरुनी
परी होत हतबल
जातसे व्यर्थ विझुनी
निष्टुरता जगताची
सांगतोच इतिहास
आटतात डोळे मग
होवून उगा उदास
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
