हुजुरेगिरी
********
येताच सत्ताधारी येताच पुढारी अफाट ऊर्जेने धावतात सारी
सोडून आपले सोबती मित्र गणगोतही
चिटकू पाहतात त्याला फोटोमध्ये होत सहकारी
लागेल वर्णी कुठेतरी कुठल्या तरी मंडळावरती
कुठल्यातरी समिती वरती किंवा
शाखेची खुर्ची तरी मिळेल एक नावापूरती
सत्ता मिळाली ही प्रतिष्ठा मिळते
अडवणूक करण्याची शक्ती मिळते
त्यातून झिरपणारे धनही हाती पडते
या फुकाच्या धनाची नशा काही औरच असते
पाकिटा पासून खोक्यापर्यंत वाढत जाते
हेच तर या प्रत्येकाचे स्वप्न असते
तिथे लागत नाही विद्वत्ता कर्तृत्व आणि चारित्र्य
तिथे चालते थोडीशी चलाखी थोडीशी हुजरेगिरी
थोडा संधी साधूपणा हेच भांडवल
आणि हे तर एकदम बेसिक असतं
जे असते प्रत्येकाकडेच उपजत
कमी जास्त प्रमाणात
फक्त हवा असतो तो हात वर चढायला
जो मिळायची शक्यता असते त्या हुजरेगिरीतून
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
