बंद दार

बंद दार

****

कधी दारे होतात बंद 

खूप दिवस न उघडल्या गेल्याने 

बिजागऱ्या गंजून

तर कधी केली जातात बंद 

हेतू पुरस्पर जाणून बुजून

कडी कोयंडा घालून 

दिलेली साद ऐकूनही न ऐकून 

दार लावले गेले किंवा लागले गेले 

तरी त्याला फारसा अर्थ नसतो 

दार बंद झाले की तेथे 

घुटमळू नये पुन्हा कधी 

मग भले तिथे होणार नाही 

कधी तुमचा अपमान

दिले जाणार नाही 

कधी तुम्हाला हाकलून 

पण  बंद दार असते 

स्वरूप नकाराचे 

टाळलेल्या स्वागताचे 

अन् स्वाभिमानाला 

ताटकळत ठेवण्यासारखी 

दुखरी ठेच लागत नसते कधी 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

बाप्पाशी गप्पा

बाप्पाशी गप्पा 

************

मी न मागताही तू झालास 

माझ्यासाठी सुखकर्ता 

झोळी भरून गेली तुझ्या कृपेने 

मी न सांगताही तू नेलीस 

विघ्ने माझी होत विघ्नहर्ता

टळल्या आडवाटा अन् आडवळवणे

आणि ती दु:ख 

ती येणारच होती स्वाभाविकपणे 

सांभाळलेस त्यात मला

पाठीशी राहून खंबीरपणे

तशी तर तुझी सेवा

फार अशी नच झाली माझ्याकडून

 कधी अथर्वशीर्ष कधी संकटमोचक स्तोत्र 

तर कधी धरत सोडत केले चतुर्थी व्रत

कधी अष्टविनायकांचे दर्शन

तेही घेतलेस तू मान्य करून 

पण एक सांगू बाप्पा 

आता बाहेर काढ मला 

या सुखदुःखाच्या मिरवणुकीतून 

खूप गुलाल उधळला खूप नाचलो खेळलो 

गर्दीत धावलो पडलो मन भरले आता 

जीवनाचे सार कळले 

खरंतर तूच शिकवले सारे

आता तुझ्या त्या आदी रूपात 

ओमकारात मला विसावू दे मला .

त्या तीन मात्रांच्या पलीकडे असलेली 

तुझी गूढ अविट शब्दातीत स्वरातीत 

अर्धमात्रा तिथे  घेऊन चल मला

देवा तूच शिकवलेस मला 

की तू प्रयत्न साध्य नाहीस 

प्रार्थना साध्य आहेस 

तू पुरुषार्थ प्राप्त नाहीस 

समर्पण बाध्य आहेस 

ही शरणागती हे समर्पण 

ते ही येते तुझ्याच कृपेने उमलून

ते आले की नाही माहित नाही मला

जर अजूनही असेल त्रुटी त्यात 

तर उणे ते पुरे करून घे आता 

रूपातून अरूपात अन

अंधारातून प्रकाशात ने मला

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

संसार

संसार

******

तसाही संसार असतो नासका

परंतु नेटका करावा रे ॥१

सुख संसाराचे चार दिवसाचे 

ओझे वाहायाचे तदनंतर ॥२

येतसे मोहर पडे भूमीवर 

फळे दोन चार देऊनिया ॥३

नवी नवलाई तिला असे अंत 

करावी ना खंत जाताच ती ॥४

पुढे भांडाभांडी होते रुसाफुगी 

तरीही जिंदगी चालायची ॥५

सारे सुख इथे कुणाला मिळाले 

हातात भेटले आकाश फुल ॥६

पाहू गेले तर असतो संसार 

खरेच जुगार हरण्याचा ॥७

पण ती ही खेळी मानता दैवाची 

अवघ्या दुःखाची धार जाते ॥८

हरण्याचे दुःख जिंकण्याचे सुख 

होऊनी कौतुक उरते रे ॥९

असे तोवर तो शेवटचा जागा 

प्रेमाचा धागा धरावा रे ॥१०

अंती देवा हाती प्रारब्धाची गती 

मानुनिया शांती मनी धरी ॥११

अर्थाविना इथे काही न घडते

जग हे चालते शक्ती हाती ॥१२

करून सायास सारे जुळण्याचे

दुःख तुटण्याचे करू नये ॥१३

आणि स्वाभिमान मनात ठेवून 

छळाचे विदांण साहू नये ॥१४

जगण्यावाचून सुंदर आणिक

जगात अधिक नसते काही. ॥१५

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .

कारण

कारण

******

तुझ्या पंखाखाली प्रीतीचा उबारा 

मिळतो आम्हाला दत्तात्रेया ॥१

वादळाची भीती मुळी ना वाटते 

टोचती ना काटे कोटराची ॥२

हालतात फांद्या वृक्ष गदगदा 

सांभाळाती सदा पंख तुझे ॥३

पाहतो आकाश तुवा पेललेले 

देही झेललेले ऊन पाणी ॥४

पाहतो कौतुक आमुच्या भाग्याचे

तुझिया प्रेमाचे अहेतूक ॥५

भरवसी दाना लागताच भूक 

सावलीचे सुख देसी सदा ॥६

दावसी आकाश आम्हा वेळोवेळी 

मारण्या भरारी बळ देसी ॥७

धन्य आम्हा देवे आपुलेसे केले 

कारण मिळाले जगण्याला ॥८

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .

करता करता पुण्य

करता करता पुण्य ( विंडो पिरियड)

(आज OPD मध्ये एक बच्चू आले होते त्याला रक्त दिल्यामुळे HIV झाला होता.)

†*************

भले केले रक्त दिले कोणाचे ते प्राण वाचले 

भले केले रक्त दिले काही पुण्य गाठी आले 

वाटले काही चुकांचे रे परिमार्जन झाले 

एक दिसी अचानक पण कळूनिया आले 

रक्तात एचआयव्हीचे विषाणू सापडले 

आधी नव्हते मग आले अरे ऐसे कैसे झाले 

वदले डॉक्टर त्यास विंडो पिरियड म्हणती 

पहिले तीन महिणे कुणा नच ते कळती

तर मग मी उगाच रक्त दिले पाप केले 

करता करता पुण्य पाप कसे गाठी आले

ते रक्त गेले असेल कुण्या देही बालकाच्या

खुडून पडतील गा पाकळ्या त्या जीवनाच्या

ते रक्त गेले असेल कुण्या देही तरुणाच्या 

झाल्या असतील चिंध्या तया भाव विश्वाच्या

ते रक्त गेले असेल कुण्या देही त्या प्रौढांच्या 

कोसळल्या असतील विटा साऱ्याच घराच्या

तर मग मी उगाच रक्त दिले पाप केले 

करता करता पुण्य पाप कसे गाठी आले

ठेवले असेल असुरक्षित शरीर संबंध 

घेतले असेल नशेचे कुठले तरी औषध

तर रक्तदाते मित्रांनो ही काळजी घ्या हो

विंडो पिरियड मध्ये रक्तदान ते टाळा हो .

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .

कथा विजयाची .

कथा विजयाची .

************

जीवन कधी असते उभे

हातात घेऊन शस्त्र धारदार

एक घाव भरण्याआधीच 

होतो दुसरा तीव्र वार ॥

शत्रु समोर नसतो कधी 

नीट कळत नाही हत्यार 

कारण कळत नाही कधी 

तरी करावा लागतो स्वीकार ॥

धन जाते आणिक पतही

आपलेही मग परके होतात 

कधी मानले होते जीवलग 

मित्र तेही पाठ फिरवतात ॥

मन होऊन जाते विदीर्ण 

आक्रोश उमटतो अस्तित्वावर

पण ती उर्मी जगण्याची

साहते सारे होत झुंजार ॥

अर्धी नीज अर्धी भाकर 

कष्टाला नुरतो सुमार 

यत्नदेव तो देहामधला 

प्राक्तनाच्या नेतो पार ॥

थकतो शत्रू अनामिक तो

सोडून देतो मग सारे घात 

विद्ध तरीही विजयी जीवन 

ध्वजा उभारते उंच नभात ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .

Reel, रिल

Reel/रिल

*********

एका मागे एक रील धावतात 

मना धरतात आवळून ॥१

कळण्याआधीच थांबण्याआधीच 

नेती ओढतच लागोलाग ॥२

यात गुंतूनिया काही नच मिळे

अपव्यय वेळे घडतसे ॥३

काही घडताच मन जाणू पाही 

गर्दी त्यात होई आपणही ॥४

असे कुतूहल जरी याचे मूळ 

रक्षणा केवळ अंगभूत ॥५

अथवा स्त्रवते मेंदू इंडोफिन 

थोडे एड्रलीन हवे देहा ॥६

अवघा यांत्रिक चाले रसायनिक 

खेळ भावनिक बाजाराचा ॥७

यातून सुटका करूनिया घेणे 

म्हणजे जगणे स्वातंत्र्यात ॥८

तर मग यंत्र हाती जे मायिक 

झाले जे कायिक अंग एक ॥९

कामाव्यतिरिक्त दूर त्या सारावे 

पहाणे टाळावे डोकावून ॥१०

बंधन आखून घेई रे बांधून 

तरीच होईन कार्य काही ॥११

अन्यथा फेकून देई तू रे याला 

वन्ही लाकडाला एक सवे ॥१२

विक्रांत व्यसन जहाले करून 

सोडले पाहून त्याची  ॥१३

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .