सांग कधी
येईल रे
रांगेत माझा
नंबर
कसा कुठे दिसेल तो
मज दत्त दिगंबर
.
खडावांचा बोल तया
माझ्या कानी
गुंजतील
आनंदाच्या रोमावळ्या
अन देही
उठतील
फार का रे दूरवर
मारू अशी चक्कर मी
जन्ममरणांशी घेऊ
उगा का रे टक्कर मी
माझ्यासवे बघ देवा
वशिला मुळीच नाही
भरलेला खिसा अन
कुणी दलालही नाही
मळलेले हात माझे
पान फुले मळलेली
धक्का बुक्की खातांना
शिवी मुखी बसलेली
तहान भुकेने तुझ्या
असे बहू काकुऴलो
जळतात पाय माझे
अन मनी व्याकुळलो
तरी तुझ्या दारी उभा
रांग सोडतच नाही
विनवितो विक्रांत हा
दत्ता पदी ठाव देई
© डॉ..विक्रांत प्रभाकर तिकोणे
http://kavitesathikavita.blogspot.in
**
