मांजर मुखी मेला उंदीर

आला उंदीर गेला उंदीर

मांजर मुखी मेला उंदीर

उंदराला त्या ठावूक होते

दारी असते उभी मांजर

कधीतरी ते खाणार तया

तरीही त्याचा चाले वावर  

पोटामधली भूक मारते

मारवते ही जन्म लाचार

मी ही शोधतो माझे मांजर

कळल्याविना भिते नजर

डॉ.विक्रांत प्रभाकर तिकोणे

http://kavitesathikavita.blogspot.in/

पोटासाठी कुणी

पोटासाठी कुणी | गोतासाठी कुणी |

संसारी खिळूनी| राहिलेला ||

देह जाईस्तोवर | पोट राहणार |

गोत वाढणार | प्रतिदिनी ||

किडा मुंगीयांचे | पोट भरे रोज |

पाखरास भोज | फळादिक ||

मागे धुंडू जाता | जग गणगोत |

बांधले सूत्रात | विश्वरूपी ||

निघ रे विक्रांत | दारी यमदूत |

सारी यातायात | व्यर्थ मग ||

डॉ.विक्रांत प्रभाकर तिकोणे

http://kavitesathikavita.blogspot.in/

उदास

जाई खोल खोल हलल्यावाचून

मनाची सोडून खुण गाठ ||

कळू कळू आले शब्द वेचलेले

कळेना अडले जग कैसे  ||

मनाला मरण टाकले देवून  

देहास ठेवून प्रारब्धासी  ||

विक्रांत ओसाड सजलेले घर

उदास व्यापार देहधर्मी ||

डॉ.विक्रांत प्रभाकर तिकोणे

http://kavitesathikavita.blogspot.in/

चितेच्या भस्मात

भ्रमाचा भोवरा | संसार हा सारा |

धनमान दारा | फास गळा ||

रुतु दे मनात | शब्दांचे हे बाण |

कृपेचे प्रमाण | देई देवा ||

अहा अपमान | वाटे किती छान |

अहंचे निधान | लुटू जावे ||

माया सखे बाई | तुटो तुझा चुडा |

उलथो करंडा | कुंकुवाचा ||

मरावा विक्रांत | जावो सरणात |

चितेच्या भस्मात | महाकाळी ||

डॉ विक्रांत प्रभाकर तिकोने

 https://kavitesathikavita.blogspot.in

माझा हा निरोप

माझा हा निरोप | द्या माझ्या देवास |

धरुनी देहास |आहे इथे ||१ ||
यावी आठवण | दीनाची दयाळा |
लाभावी जीवाला | कृपा दृष्टी  ||२ ||
भाग्ये अंकुरावे | देहाचे या बीज |
जन्मा आलो काज| काही व्हावे ||३ ||
अंगी नाही बळ | जगणे लाचार |
परी पदावर | थारा द्यावा ||४ ||
भक्त कैवारी तू |प्रभू गिरनारी |
विक्रांतास दूरी | ठेवू नको ||५ ||

डॉ विक्रांत प्रभाकर तिकोने 
https://kavitesathikavita.blogspot.in