शुक्रवार, १० जुलै, २०१५

माझा डोळा तुझ्यावर






माझा डोळा तुझ्यावर
तुझा डोळा दत्तूवर
दत्तू मरे पुष्पावर
पुष्पा काळ्या रघुवर

रघु लतापायी वेडा
लता माझ्या मागावर 
असे कसे विचित्रसे
चाले प्रीतीचे हे चक्र

आणि मग कधीतरी
कुठल्याश्या दगडावर
गाडी कोलमडणार  
सारे जग हसणार

मन का आसक्त होते
दूरच्याच चंद्रावर
मना का हवे असते
सुख उसने उधार

कुणासाठी वेडे असे
कालचे स्वप्न लाचार
रोज बसे रोज उठे
शोध सुखाचा बाजार

विक्रांत प्रभाकर
http://kavitesathikavita.blogspot.in/

येथे कोणत्याही टिप्पण्‍या नाहीत:
लेबल: ,

मंगळवार, ७ जुलै, २०१५

दे सखी तुझे प्रकाशाचे हात







जमले तर दे सखी
तुझे प्रकाशाचे हात
जमले तर दे मज
या वळणावर साथ

असे कुणास ठावूक
किती चालने अजून  
कधी कळले कुणास 
मार्ग जाईल संपून

कुण्या जन्माचे देणे
हाका मारते अजून
कुण्या जन्माचे नाते  
हक्क सांगते अडून

क्षण हरेक जगतो
तुज डोळ्यात माळतो
हाका मारुनिया मूक
शब्द कोषात ठेवतो

पायी शृंखला कुणाच्या
मन धावते माघारी
आशा वेडगळ तीच
बोल बोलते अंतरी

विक्रांत प्रभाकर
http://kavitesathikavita.blogspot.in/

 
येथे कोणत्याही टिप्पण्‍या नाहीत:
लेबल:

सोमवार, ६ जुलै, २०१५

मृत्यू इयत्ता नववीतला ...





काल अचानक पाहिला मी
मृत्यू इयत्ता नववीतला
खेळता खेळता दारामध्ये  
डाव अखेरचा संपलेला

रोगराई नव्हती कुठली
नव्हता अपघात वा झाला
हसता हसता धावता धावता
होता तो खाली कोसळला

कणखर काटक देह त्याचा
आणि निरागस चेहरा
माती लागली हाता गाला
अंगावरती घाम सुकला

एक विच्छिन्न आक्रोश
साऱ्या रुग्णालयात दाटला
एकमेकांच्या मिठीत रडत    
त्याच्या मायबापांनी केलेला

आग हृदयी पाहणाऱ्याच्या  
डोळ्यात सागर दाटलेला
का ? कश्याने ?या वयात?
प्रश्न साऱ्यास पडलेला

काय कुणा सांगावे मी
अर्थ नव्हता जरतर ला
ट्रॉलीवर तो अलगदपणे
जणू आताच निजलेला   

विक्रांत प्रभाकर
http://kavitesathikavita.blogspot.in/

येथे कोणत्याही टिप्पण्‍या नाहीत:
लेबल:
याची सदस्यत्व घ्या: टिप्पण्या (Atom)

महफ़िल

महफ़िल  ******* यारों के दिलदारों के टीकट आ रहे हैं ।   महफ़िलों के रंग सूने हो रहे हैं । तुम किस सुबह का इंतजार कर रहे हो?  ...

  • कृपा कल्लोळ
    कृपा कल्लोळ  ******* काय माझी गती अन् काय मती  तुज दयानिधी भेटू शके काय माझी श्रद्धा काय ते साधन  तुज बोलावून घेऊ शके  अवघा देहा...
  • मरण
    झाकलिया घटीचा दिवा । नेणिजे काय झाला केधवा । यारीती जो पांडवा । देह ठेवी ...ज्ञानेश्वरी मरण ***** असे हवे रे सुंदर मरण   ज्यात ओघळून  जाईल ज...
  • महफ़िल
    महफ़िल  ******* यारों के दिलदारों के टीकट आ रहे हैं ।   महफ़िलों के रंग सूने हो रहे हैं । तुम किस सुबह का इंतजार कर रहे हो?  ...
  • महातेजा
    महातेजा ******** माझ्या जीवलगा प्रिय ज्ञानराया  येऊ दे रे दया तुज माझी ॥१ देई गा भरून फाटकी ही झोळी प्रकाशाचा भाळी टिळा लावी ॥२ ...
  • वृक्ष वंश उच्छेद
    वृक्ष वंश उच्छेद ********* जळताच झाड मन विद्ध होते  तोडताच झाड मन कळवळते  एकेक झाडात लक्षावधी जीव  राहतात प्रेमाने करुनिया गाव  ...
  • दारी आलो
    दारी आलो ******* केली खटपट आणि दारी आलो  तुजला भेटलो कृपा तुझी  जरी अट्टाहास देवा माझा वेडा  अदृश्याचा खोडा होता मागे  किती अडकल...
  • झाडे मरतात .
        झाडे मरतात  ********** असे कसे हे  रे असे कसे जिकडे तिकडे  भरतात खिसे .   तोडता भरती खिसे  लावता भरती खिसे  खिशात पैशाचे  जणू की झाड असे...
  • दत्त पथ दावतो
    पथ दावतो  ******** दत्त पथ दावतो  संकटात धावतो  आणुनि सुखरूप  अंगणात सोडतो  दत्त चित्त चोरतो  भवताप हारतो बंधमुक्त जीवनाचे  स्वप...
  • मोकळे केस तू
    मोकळे केस तू ! रुपेरी कांतीचे  लेवून चांदणे मोकळे केस तू मिरवित येते  काजळ कोरले  दिठीत सजले गाली ओघळून   तीट लावते चालणे त...
  • भांडी घासतांना
    तू परवा परगावी गेलीस सगळी आवर आवर करून अर्धी अधिक जेवणाची सोय करून आज तू परत येणार म्हणून तुला खुश करायला एक कविता टाकाव...