येशू आणि धर्मांतर

गोठ्यात जन्मलेला

क्रुसावर वधला गेलेला

येशू ख्रिस्त ..

तुमच्या आमच्या सारखा

खराखुरा माणूस

पण प्रभूप्रेमाने मस्त झालेला

आत्मभान आलेला

अवलिया ...

तत्वासाठी मृत्यू स्वीकारणाऱ्या

विरळया माणसांपैकी

एक अलौकिक व्यक्तिमत्व ...

त्याचे देवत्व वादातीत आहे

परमहंसागत..

पण धर्मांतर हा शब्द

त्या महात्म्याला

माहित असेल की नाही

या बद्दल मला शंकाच आहे

विक्रांत प्रभाकर

http://kavitesathikavita.blogspot.in/

मनावरी वळ जरी

काही शब्द फक्त इथे

बाकी सारे जग रिते

नव्हतेच माझे कधी

जपलेले काही कुठे

दिसभर मनामध्ये

रुणझुण वाजणारे

रातभर कानामध्ये

किणकिण करणारे

वाटतात भास होते

उभा जन्म वागवले

शोधुनीही सापडेना

धागे काही जुळलेले

मनावरी वळ जरी

वेदनाही भ्रम वाटे

पोकळीत नसण्याच्या

जाणीवेचा नाद आटे

तरंगतो काळ काही

मिटलेल्या मनावरी

त्याच त्याच प्रेतयात्रा

वाहतो नि खांद्यावरी

काजळल्या वातीसवे

जाणण्याची आस खुंटे

सावलीचे भिंतीवरी

उमटून चित्र मिटे

विक्रांत प्रभाकर

http://kavitesathikavita.blogspot.in/

  

एक चेहरा

एक चेहरा

पुन्हा सामोरा

येवूनी जरा

थबकला

तेच डोळे

गूढ काळे

कधी पहिले

होते मी

किती जुने

परी नव्याने

झाले भेटणे

तसे उगा

कुठले नाते  

नच आठवते

परी गाणे येते

तिज साठी

डॉ. विक्रांत प्रभाकर तिकोणे 

http://kavitesathikavita.blogspot.in/

स्वप्न सारे मिटलेले

घरदार

सुटलेले

स्वप्न सारे

मिटलेले

पण मन

सुखामागे

हावरट  

लागलेले

कुणासाठी

कधीतरी

वेडेपण

पांघरले

अहो जिणे

खोटे नाटे

नाटकच

रंगविले

तिला मुळी

पर्वा नाही

तिचे हात

बांधलेले

जगतोय

पथावरी

पाणी जसे

सांडलेले

विक्रांत प्रभाकर

http://kavitesathikavita.blogspot.in/