व्रणांच्या लक्तरी
************
जन्माच्या या गाठी टोचती सलती कळल्या वाचून जखमा वाहती ॥
कुणाला सांगावे अंतर कोंडले
सारेच धुरांडे काजळी माखले ॥
काय हवे तुज आणिक कशाला
अर्था वाचून रे अंधार कोंडला ॥
मरून जावे का जगावे मरणे
अस्तित्व भंगले व्हावे वा शोधणे ॥
कधी तरी कुठे प्रकाश किरणे
येईल मिठीत आपुले असणे ॥
धूसर तरीही अमर आशा ही
निजते दिवस वाया जाऊनही ॥
विक्रांत काहीली अंतरी ठेविली
व्रणांच्या लक्तरी जिंदगी बांधली ॥
🌾🌾🌾
© डॉ.विक्रांत प्रभाकर तिकोणे
kavitesathikavita.
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा