येई दत्ता
असे आत्म राज्य
देही वसलेला
शोधे त्या भेटला
म्हणतात ॥
बुजलेले पथ
अडलेला वारा
रान भुली खेटा
घडतात ॥
कसे पाहू तया
बांधलेले डोळे
उजेडी आंधळे
भांबावले ॥
खुणावती शब्द
दाही दिशा मुक्त
शब्देविना दत्त
पहावया॥
थकला विक्रांत
व्याकूळ आहे प्राण
होऊन जीवन
येई दत्ता॥
डाॅ.विक्रांत प्रभाकर तिकोणे
httht://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा