रविवार, ४ मार्च, २०१८

ज्ञानदेवा !!

ज्ञानदेवा!

तुझ्या समाधीवर  
जावे माझे प्राण
हेच असे मागण  
ज्ञानदेवा ॥

जाणीव नेणीव
व्हावी तदाकार
सरून आकार
जगताचा ॥

तोवर जगणे
तुझिया स्मृतीत
राहावे घडत
हवे तर ॥

तुझे गुणगाण
रूपाचे स्मरण
नामाचे चिंतन
घडो सदा ॥

तूच पांडुरंग
दत्त दया घन
विक्रांत जाणून
पदी जडे ॥

©डॉ.विक्रांत प्रभाकर तिकोणे
http://kavitesathikavita.blogspot.in

कोणत्याही टिप्पण्‍या नाहीत:

टिप्पणी पोस्ट करा

गुरुदेव

गुरुदेव ***** एक वारी दक्षिणेला एक जाय उत्तरेला  तोच शोध अंतरात फक्त दिशा बदलला ॥ एक वारी गुरुपदी एक वारी देवपदी  तोच ओघ सनातन ध...