दत्त एक स्वप्न
दत्त एक स्वप्न
निद्रेला गिळून
अस्तित्वा भरून
उरलेले ||
दत्त एक सत्य
विश्वाला गाळून
काळाला सारून
थांबलेले ||
दत्त एक जगणे
श्वासात भरून
हृदयात येवून
वसलेले ||
दत्त एक प्रार्थना
अवघे सुटून
एकटे उरून
उमटलेली ||
दत्त एक साधन
श्रद्धेत रुजून
शरण होवून
अंगिकारले ||
कृपे वाचूनिया
दत्तास कळणे
कदापि घडणे
नाही नाही ||
म्हणून विक्रांत
मीपण सोडून
उगाच पडून
दत्तपदी ||
डों.विक्रांत प्रभाकर तिकोने
http://kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा